ធ្វើការនៅហេបភីច័ន្ទតារា

ចូលរួមជាមួយយើងឥលូវនេះ និងដ្បើម្បីឱ្យមានការផ្លាស់ប្តូរ

សាលាហេបភីច័ន្ទតារា មាន បុគ្គលិកច្រើនជាង ៣៥០ ដែលមកពីប្រទេសផ្សេងៗ និងមានចម្រុះវប្បធម៌។

ក្រុមការងាររបស់យើងត្រូវបានបង្កើតឡើងដោយមានសមាសភាពពីបុគ្គលិកអប់រំ (បង្រៀនភាសាខ្មែរ ភាសាអង់គ្លេស វិទ្យាសាស្រ្ត និងផ្សេងជាច្រើនទៀត) បុគ្គលិកជំនាញ (ផ្នែកធនធានមនុស្ស ហិរញ្ញវត្ថុ បច្ចេកទេស កសិកម្ម ជាដើម) ក៏ដូចជាអ្នកស្ម័គ្រចិត្ត និងកម្មសិក្សាក្នុង និងក្រៅប្រទេសផងដែរ ដែលទាំងអស់គ្នាមានគោលបំណងរួមគឺអប់រំក្មេងស្រីដើម្បីជួយបង្កើតពិភពលោកមួយដ៏ល្អប្រសើរ និងប្រកបដោយនិរន្តរភាព។ រាល់ភារកិច្ចដែលយើងបានបំពេញគឺសុទ្ធតែត្រូវបានជម្រុញលើកទឹកចិត្តដោយបេសកកម្មនេះ។

ប្រសិនបើបេសកកម្មរបស់យើងដើរស្របជាមួយទស្សនៈរបស់អ្នក ហើយអ្នកជឿថាចំណេះជំនាញរបស់អ្នកអាចបង្កើតជាផលជាវិជ្ជមានបាន សូមស្វែងរកឱកាសការងាររបស់យើងនៅទីនេះ!

ដោយសារតែមានចំនួនអ្នកដាក់ពាក្យមានច្រើន យើងសូមជម្រាបជូនអ្នកថាយើងនឹងឆ្លើយតបតែចំពោះបេក្ខភាពណាដែលស្របនឹងមុខតំណែងដែលមានប៉ុណ្ណោះ។

ឱកាស និងការអភិវឌ្ឍអាជីពការងារ

ទីតាំងរបស់យើង

ទីស្នាក់ការកណ្តាលរបស់អង្គការ Toutes à l'école មានទីតាំងនៅទីក្រុងប៉ារីស ប្រទេសបារាំង។ ចំណែកឯ សាលារៀនរបស់យើងមានទីតាំងនៅព្រែកថ្មី ចម្ងាយ ២០គីឡូម៉ែត្រពីរាជធានីភ្នំពេញ ប្រទេសកម្ពុជា។

បុគ្គលិករបស់យើងភាគច្រើនជាជនជាតិខ្មែរ ហើយក្នុងនោះ៥% ជាបុគ្គលិកបរទេសដែលមកពីអឺរ៉ុប អាហ្រ្វិក និងតំបន់ផ្សេងទៀត។

នាយកដ្ឋានរបស់យើង

នាយកដ្ឋានគរុកោសល្យ៖ មត្តេយ្យសិក្សា សាលាបឋមសិក្សា សាលាអនុវិទ្យាល័យ វិទ្យាល័យ
នាយកដ្ឋានធនធានមនុស្ស
នាយកដ្ឋានព័ត៌មានវិទ្យា
នាយកដ្ឋានរដ្ឋបាល និងហិរញ្ញវត្ថុ
នាយកដ្ឋានទំនាក់ទំនង និងឪពុកម្តាយធម៌
នាយកដ្ឋាន គម្រោង និងកសិអេកូឡូស៊ី
នាយកដ្ឋានសុខភាព
នាយកដ្ឋានសង្គម
អន្ទេវាសិកដ្ឋានសិស្ស ចំនួន ២
ផ្ទះនិស្សិតចំនួន ២ នៅទីរាជធានីភ្នំពេញ

ឱកាសការងារ

យើងផ្តល់ជូននូវឱកាសការងារជាច្រើនដែលរួមមានមុខតំណែងពេញម៉ោង ក្រៅម៉ោង កម្មសិក្សា និងការងារសម្រាប់សិស្សនិស្សិត។ តួនាទីទាំងនេះបានផ្តល់សម្រាប់អ្នកដើម្បីពង្រឹងចំណេះជំនាញនិងស្វែងរកសក្តានុពលរបស់អ្នកក្នុងវិស័យមួយចំនួនដូចជា៖

ហិរញ្ញវត្ថុ ៖ គណនេយ្យករ។ -ល-
ព័ត៌មានវិទ្យា៖ បុគ្គលិកព័ត៌មានវិទ្យា។ -ល-
គរុកោសល្យ៖ កីឡា ភាសាខ្មែរ ភាសាចិន ភាសាអង់គ្លេស ជីវវិទ្យា។ -ល-
កិច្ចការសង្គម និងសុខភាព៖ ជំនួយការទន្តពេទ្យ ទន្តពេទ្យ ជំនួយការទន្តពេទ្យ ទន្តពេទ្យ។ -ល-
អន្ទេវាសិកដ្ឋាន៖ អនុរក្សអន្តេវាសិកដ្ឋាន នាយិកាអន្ទេវាសិកដ្ឋាន។ -ល-

ការអភិវឌ្ឍន៍អាជីពការងារ

ផ្ទេតំណែង តំឡើងតំណែង និងផែនការបណ្តុះបណ្តាល គឺជាផែនការសកម្មភាពសំខាន់ៗដែលនឹងផ្តល់ជូនអ្នកនូវឱកាសឈានមុខគេសម្រាប់អាជីពការងារដ៏ល្អបំផុតនៅក្នុងស្ថាប័នរបស់យើង។ ផែនការទាំងនេះរួមមានទាំងការបណ្តុះបណ្តាលខាងក្រៅសាលា និងខាងក្នុងសាលា ការណែនាំនៅកន្លែងការងារ និងជំនួយផ្នែកហិរញ្ញវត្ថុសម្រាប់ការសិក្សាដែលស្របតាមតម្រូវការរបស់សាលាយើង។

ការរៀនសូត្រពីក្រុមការងារក៏ជាគុណតម្លៃខ្ពស់មួយផងដែរ ដោយសារតែសមាជិកក្រុមការងារមានចំណេះជំនាញ និងបទពិសោធន៍ផ្សេងៗគ្នា។

ក្នុងរយៈពេលប៉ុន្មានឆ្នាំកន្លងមកនេះ យើងបានបង្កើតនូវវគ្គបណ្តុះបណ្តាលមួយចំនួនដល់បុគ្គលិករួមមានដូចជា៖

ការបណ្តុះបណ្តាលជំនាញសង្គ្រោះបឋមជាមួយ កាកបាទក្រហមកម្ពុជា
ការបណ្តុះបណ្តាលអំពីការប្រែប្រួលអាកាសធាតុជាមួយ YEP Academy
វគ្គបង្រៀនគរុកោសល្យសម្រាប់គ្រូបង្រៀនវ័យក្មេងនៅ វិទ្យាស្ថានជាតិអប់រំ

បទពិសោធន៍បុគ្គលិករបស់យើង

លក្ខខណ្ឌការងារ និងអត្ថប្រយោជន៍

យើងផ្តល់ឱ្យបុគ្គលិករបស់យើងនូវ៖

ធ្វើការ ៥ ថ្ងៃ ឬ ៤០ ម៉ោង ក្នុងមួយសប្តាហ៍ / ប្រាក់បន្ថែមម៉ោងដែលត្រូវបានអនុម័តគឺត្រូវបានទូទាត់ ឬផ្តល់សំណងជាថ្ងៃឈប់សម្រាក។
ច្បាប់ឈប់សម្រាកពិសេស៖ ឈប់សម្រាកលំហែមាតុភាព (៣ ខែ) ដែលទទួលបានប្រាក់ខែពេញ ១០០% និងប្រាក់ឧបត្ថម្ភសម្រាប់កំណើតកូន ($១០០ សម្រាប់កូនដំបូង កូនលើកទី២ $៥០) / អាពាហ៍ពិពាហ៍ (៥ ថ្ងៃដែលទទួលបានប្រាក់ខែ)។ -ល-
ច្បាប់ឈប់សម្រាករយៈពេល២ សប្តាហ៍សម្រាប់បុណ្យចូលឆ្នាំខ្មែរ និងប្រាក់ឧបត្ថម្ភចូលឆ្នាំខ្មែរ
ច្បាប់ឈប់សម្រាកលំហែមាតុភាពដែលទទួលបានប្រាក់ខែពេញ ១០០% និងប្រាក់ឧបត្ថម្ភសម្រាប់កំណើតកូន ($១០០ សម្រាប់កូនដំបូង កូនលើកទី២ $៥០)
ប្រាក់ឧបត្ថម្ភបុណ្យសព
ប្រាក់ឧបត្ថម្ភថ្លៃធ្វើដំណើរ ឬឡានសាលាដឹកជញ្ចូនឥតគិតថ្លៃប្រចាំថ្ងៃទៅ និងមកពីសាលារៀន
អាហារថ្ងៃត្រង់ប្រចាំថ្ងៃដោយឥតគិតថ្លៃ
ធានារ៉ាប់រងលើគ្រោះថ្នាក់២៤ ម៉ោង និង បសស

ការងារជាអ្នកស្ម័គ្រចិត្ត និងកម្មសិក្សា

ក្នុងនាមជាអង្គការមិនមែនរដ្ឋាភិបាលបរទស យើងក៏ផ្តល់ឱកាសសម្រាប់អ្នកស្ម័គ្រចិត្ត និងសិស្សនិស្សិតចូលរួមចំណែកក្នុងគម្រោងរបស់សាលាហេភីច័ន្ទតារាផងដែរ។

ការងារជាអ្នកស្ម័គ្រចិត្ត ឬកម្មសិក្សាផ្តល់ឱកាសដ៏មានតម្លៃក្នុងការរួមចំណែក និងសិក្សារៀនសូត្រពីគម្រោងរបស់យើង។ អ្នកអាចបង្រៀនមុខវិជ្ជាមួយចំនួនដូចជាភាសាអង់គ្លេស ឬសិល្បៈ និងសិប្បកម្ម ឬពង្រឹងជំនាញរបស់អ្នកក្នុងវិស័យផ្សេងទៀតដូចជា ទំនាក់ទំនង គម្រោងទាក់ទងនិងបរិស្ថាន ឬការគ្រប់គ្រងអន្ទេវាសិកដ្ឋាន។

អានបន្ថែម

យើងមានលក្ខណៈពិសេសទៅលើវប្បធម៌ចម្រុះ និងបរិយាបន្នតាមរយៈការទទួលអ្នកស្ម័គ្រចិត្តដែលមានជំនាញភាសាអង់គ្លេស និងអ្នកស្ម័គ្រចិត្តមកពីស្ថាប័នផ្សេងៗគ្នា ដើម្បីជម្រុញការងារប្រចាំថ្ងៃរបស់យើងឱ្យបានពេញក្នុងឆ្នាំសិក្សា។

យើងដំណើរការកម្មវិធី និងគម្រោងមួយចំនួនដូចជា ក្មេងស្រី និងវិទ្យាសាស្ត្រ (Girls & Science) និង ច័ន្ទតារាអេកាដេមី (Chandara Academy) (ដែលជាការបង្រៀនតាមប្រព័ន្ធអេឡិចត្រូនិក)។ ជារៀងរាល់ឆ្នាំ យើងស្វែងរកអ្នកស្ម័គ្រចិត្តជាច្រើនរូបដើម្បីរិះរកកែលម្អវិធីសាស្រ្តបង្រៀន និងបណ្តុះផ្នត់គំនិតដល់សិស្សរបស់យើង។

យើងផ្តល់អាហារ និងកន្លែងស្នាក់នៅដល់អ្នកស្ម័គ្រចិត្ត និងអ្នកកម្មសិក្សា។

ពេលល្ងាច ចុងសប្តាហ៍ ឬថ្ងៃបុណ្យជាតិ និងវិស្សមកាលត្រូវបានចាត់ទុកថាជាពេលសម្រាកពីការងារ ពេលខ្លះអ្នកអាចតម្រូវឱ្យអ្នកចូលរួមព្រឹត្តិការណ៍ ឬដំណើរកម្សាន្តណាមួយដែលរៀបចំនៅក្នុងសាលា ឬក្រៅបរិវេណសាលា។

ដំណើរការជ្រើសរើស

សូមផ្ញើអ៊ីម៉ែលរបស់អ្នកទៅកាន់ក្រុមការងារផ្នែកធនធានមនុស្សរបស់យើង។

Job opportunity

ដំណឹងជ្រើសរើសបុគ្គលិកទាំងអស់ជាមួយ ហេបភីច័ន្ទតារា ដែលរួមទាំងមុខតំណែងជាអ្នកស្ម័គ្រចិត្ត និងអ្នកហាត់ការ។

ជំនួយការឪពុកម្តាយធម៌

ប្រមូល និងចងក្រងសំបុត្រកាតប៉ុស្តាល់របស់ឪពុកម្តាយធម៌ ដែលរួមមានរូបភាព អត្ថបទ គំនូរ និងការឆ្លើយតបផ្ទាល់ខ្លួន ហើយប្រគល់ជាកញ្ចប់ដល់សិស្សានុសិស្ស ព្រមទាំងយករូបភាពរបស់កុមារដែលបានទទួល។ ជួយក្នុងការទិញក្រដាសខ្ចប់កាដូរពីទីផ្សារ ការវាស់វែង និងការចែកឯកសណ្ឋាន។

នាយកដ្ឋាន	ទំនាក់ទំនង & ឪពុកម្តាយធម៌
រាយការណ៍ផ្ទាល់ទៅកាន់	នាយកផ្នែកទំនាក់ទំនង & ឪពុកម្តាយធម៌
ប្រភេទកិច្ចសន្យា	កិច្ចសន្យាការងារគ្មានរយៈពេលកំណត់ (UDC)
ម៉ោងធ្វើការ	40 ម៉ោង/សប្តាហ៍ ពីថ្ងៃចន្ទ ដល់ថ្ងៃសុក្រ

ទំនួលខុសត្រូវចម្បង

1- ធានាឱ្យបាននូវការគ្រប់គ្រងល្អ និងការត្រួតពិនិត្យទំនាក់ទំនងជាមួយឪពុកម្តាយធម៌

បង្កើត និងរៀបចំចាត់ថ្នាក់នៃលិខិតស្នាម និងបណ្តុំឯកសារ។
កិច្ចការដែលទាក់ទងនឹងការឧបត្ថម្ភប្រចាំថ្ងៃផ្សេងទៀត (តាមដានកាដូរ និងរបាយការណ៍)។
បញ្ចូលសំបុត្រជាភាសាអង់គ្លេសទៅក្នុងបណ្តុំផ្ទុកទិន្នន័យ

2- កាតប៉ូស្កាល់

ថតរូបសិស្ស កែសម្រួល ហើយផ្តិតរូបថតទាំងនោះ។
សម្របសម្រួលការផលិតកាតជាភាសាអង់គ្លេស/បារាំង និងការគូរ គ្រូ និងសិស្សនៅកម្រិតនីមួយៗ។
ជួយក្នុងការផ្ទៀងផ្ទាត់កាតប៉ុស្តាល់ប្រចាំត្រីមាសសម្រាប់សិស្សប្រម៉ាណជា 1300 នាក់ ដែលម្នាក់ៗមានឪពុកម្តាយធម៌ 3 ឬ 4 នាក់។

3- សកម្មភាពផ្សេងៗ

បណ្តុំផ្ទុកទិន្នន័យ
ប្រមូលការវាស់វែងទាំងអស់ដោយសហការជាមួយ School Life ដើម្បីបញ្ជាទិញឯកសណ្ឋានថ្មី។
គោរពបទបញ្ញត្តិរបស់សាលា
ចូលរួមក្នុងកិច្ចប្រជុំតាមនាយកដ្ឋាន ឬការប្រជុំបុគ្គលិក (ក្នុងករណីដែលប្រធានផ្នែកអវត្តមាន)
ប្រាស្រ័យទាក់ទងជាមួយមិត្តរួមការងារទាំងអស់ និងបំពេញការងារដោយភាពបត់បែន

អ្នកអប់រំផ្នែកសុខភាព និងសុខភាពបន្តពូជ និងពេទ្យឆ្មប

ផ្តល់ការអប់រំសុខភាពផ្លូវភេទសមស្របតាមអាយុ ផ្តល់ការប្រឹក្សាជាបុគ្គល និងសេវាកម្មឆ្មបដល់សិស្ស និងក្រុមគ្រួសារ។ សេវាកម្មទាំងអស់នេះមានគោលបំណងលើកកម្ពស់អាកប្បកិរិយាដែលមានសុវត្ថិភាព កាត់បន្ថយសកម្មភាពផ្លូវភេទដែលមានហានិភ័យ និងគាំទ្រដល់សុខុមាលភាពសិស្សានុសិ្សទូទៅតាមរយៈកិច្ចសហការយ៉ាងជិតស្និទ្ធជាមួយក្រុមការងារផ្នែកសុខភាព ផ្នែកអប់រំ និងផ្នែកសង្គម។

នាយកដ្ឋាន	នាយកដ្ឋានសុខភាព
រាយការណ៍ផ្ទាល់ទៅកាន់	ប្រធានផ្នែកសុខភាព
ប្រភេទកិច្ចសន្យា	កិច្ចសន្យារយៈពេលមានកំណត់ (FDC) - ចាប់ពីខែកញ្ញាដល់ខែធ្នូ
ម៉ោងធ្វើការ	40 ម៉ោង/សប្តាហ៍ កាលវិភាគធ្វើការបត់បែនអាស្រ័យលើតម្រូវការរបស់នាយកដ្ឋាន (ពីថ្ងៃចន្ទ ដល់ថ្ងៃសៅរ៍)

ទំនួលខុសត្រូវចម្បង

អ្នកអប់រំផ្នែកសុខភាព និងសុខភាពបន្តពូជ

ធ្វើកិច្ចតែងការបង្រៀន និងរៀបចំកម្មវិធីសិក្សា និងកាលវិភាគដែលស្របតាមការផ្លាស់ប្តូរក្នុងនាយកដ្ឋានគរុកោសល្យ
បង្កើតសម្ភារៈ និងបរិក្ខាក្នុងការបង្រៀន និងបង្កើតវិធីសាស្ត្របង្រៀនដែលមានភាពច្នៃប្រឌិតដើម្បីបង្រៀនសិស្សានុសិស្សឱ្យកាន់តែមានប្រសិទ្ធភាព
កែសម្រួល និងធ្វើបច្ចុប្បន្នភាពកម្មវិធីជាប្រចាំ ដោយផ្អែកលើការសិក្សាអំពីរោគរាតត្បាត និងរួមបញ្ចូលលំហាត់ជាក់ស្តែងទៅក្នុងការបង្រៀន
ជ្រើសរើសសម្ភារៈបង្រៀនដែលសមរម្យសម្រាប់សិស្សានុសិស្សក្នុងការប្រឹក្សាយោបល់ជាមួយប្រធានផ្នែកសុខភាព និងដាក់ការបញ្ជាទិញផ្សេងៗប្រសិនបើចាំបាច់
ធានាបាននូវការថែទាំត្រឹមត្រូវនូវរាល់ឧបករណ៍ប្រើប្រាស់វិជ្ជាជីវៈទាំងអស់

ពេទ្យឆ្មប

បង្កើតបរិយាកាសដែលកក់ក្តៅសម្រាប់អ្នកជំងឺ និងគ្រប់គ្រងសកម្មភាពជាមួយនឹងរបៀបវារៈដែលបានរៀបចំទុក និងរក្សាកំណត់ត្រាអ្នកជំងឺ
ធ្វើការសម្ភាសន៍បុគ្គលអំពីសុខុមាលភាពខាងអារម្មណ៍ សុខភាពផ្លូវភេទ ការពន្យារកំណើត ការមានផ្ទៃពោះ និងជំងឺកាមរោគសម្រាប់សិស្សានុសិស្ស
រៀបចំសិក្ខាសាលាបណ្តុះបណ្តាលស្តីពីការពន្យារកំណើត អនាម័យ និងរបបអាហារ និងចែករំលែកលទ្ធផលសម្រាប់ការសិក្សាអំពីរោគរាតត្បាត
ផ្តល់ការប្រឹក្សាផ្នែករោគស្ត្រី ការពន្យារកំណើតបន្ទាន់ និងការបញ្ជូនបន្តសម្រាប់ការថែទាំឯកទេស
ធ្វើរោគវិនិច្ឆ័យ និងព្យាបាលជំងឺកាមរោគ ផ្តល់ការប្រឹក្សាមុនពេលរំលូតកូន និងធ្វើការបញ្ជូនបន្ត
ផ្តល់ព័ត៌មានតាមរយៈមធ្យោបាយផ្សេងៗ និងរាយការណ៍ពីសកម្មភាពប្រចាំខែដល់អ្នកគ្រប់គ្រង និងវេជ្ជបណ្ឌិតដែលទទួលបន្ទុក

ផ្សេងៗ

ចូលរួមក្នុងព្រឹត្តិការណ៍របស់សាលា សិក្ខាសាលា និងវ័គ្គបណ្តុះបណ្តាលផ្សេងៗ
អនុវត្តតាមកម្មវិធីបង្ការដែលកំណត់ដោយអាជ្ញាធរសុខាភិបាល និងសាលារៀន
ជួយដល់ក្រុមការងារផ្នែកសុខភាពនៅពេលដែលត្រូវការ
អាចបំពេញការងារសម្រាប់កិច្ចការដែលត្រូវការសម្រាប់ស្ថានភាពបន្ទាន់ផ្សេងៗ
ប្រមូលសំរាមស្របតាមច្បាប់អនាម័យដែលបានកំណត់

មិនអាចស្វែងរកងារដែលអ្នកចង់ធ្វើមែនទេ? សូមផ្ញើ CV និង Cover Letter របស់អ្នក និងផ្នែកការងារដែលអ្នកចាប់អារម្មណ៍មកកាន់៖ recruitment@happychandara.org